Maurice Duhamel Morvan Duhamel

Deiziad ha lec'h ganedigezh:
23/02/1884 e Roazhon
Breizh (Il-ha-Gwilen)
Deiziad ha lec'h marv:
19/02/1940 e Roazhon
Breizh (Il-ha-Gwilen)

E vuhez

Maurice (pe Morvan) Duhamel, pe Maurice Bourgeaux eus e anv gwir, zo ur sonaozour eus Breizh, bet ganet d'an 23 a viz C'hwevrer 1884 e Roazhon. Ur gwall soner a oa anezhañ hag abred e krog da glotadañ kanaouennoù Breizh. Abred e teu da vezañ un emsaver ivez hag emezeliñ a reas e 1912 ouzh Kevredigezh Broadel Breizh gant Émile Masson pe Frañsez Vallée da skouer. Goulenn a reas bezañ disoudardet peogwir e oa a-enep an arme. Kemeret en deus perzh ivez en Afer Dreyfus, a-du gant Dreyfus e oa peogwir ne blije ket dezhañ an doare divalav ma veze graet dezhañ. Krouiñ a reas Stollad Emrenerien Breizh ha diouzh tu ar rummad "kleiz ha kevredadel" ar strollad-mañ e oa. Reiñ a reas e zilez eus ar Strollad broadelour pa duas re grenn ha start ar strollad-se bep ma tostaed d'an Eil brezel-bed. Dont a ra d’en em dommañ ouzh studi Istor Breizh da heul e obererezhioù all. Embannet e oa bet ul levrenn gentañ war Istor pobl Breizh gantañ, met n'hallas ket echuiñ an eil levrenn. Met brudet eo Maurice Duhamel dreist-holl evit ar sonerezh bet savet gantañ. Ur c'henelgerzoniour (etnomuzikologour) bras eus ar XXvet kantved e oa. Kaset en deus e enklaskoù e Breizh evel-just met er c'hwec'hkorn ivez. Dedennet e oa bet evel Paol ar Flemm gant ar radio hag a oa un doare nevez da skignañ sonerezh. A-drugarez d'e zarempred gant Louis Tiercelin eo en deus skrivet sonerezh dreist-holl. Barrek e oa war ar sevel kerzennoù. Evit se e kemer skouer war sonerezh hengounel Breizh. Marvet eo Maurice Duhamel e Roazhon d'an 19 a viz C'hwevrer 1940.

Thomas-Alexander Harrison, Marine, 1893, Musée des Beaux-Arts de Quimper

Stil e sonerezh

Sonaozañ en deus graet Morvan Duhamel dreist-holl evit ar piano hag ar vouezh. Raloc’h eo e oberennoù evit al lazoù-seniñ. Awenet eo e arz gant Breizh, n'eus ken 'met gwelet anvioù e draoù: "esmaeoù eus Breizh", "Raklinennadurioù breizhek". Unan eus izili diazezerien Kevredigezh sonaozourien Breizh e oa ivez. Evel Bourgault-Ducoutray pe an Uhel ez a da zastum kanaouennoù pobl. Bras eo e embannadurioù war an danvez-se hag istim o deus gwellañ skrivagnerien ha yezhourien e amzer en e geñver, Anatol ar Braz pe Jozeb Loth da skouer.

Oberoù pennañ

Oberoù sonerezh siñfoniek hag operaoù

Tri fezhig eus ar sav-heol 1924

Harald, digorenn 1926

An dreisoni, Galoupadenn, Emgann, Gourfenn, pevar darvoud 1927

Grazioso, Amoroso, Doloroso, Agitato, pevar darvoud 1927

Er bed keltiek 1928

Dindan ur pondalez e Murcia 1929

Habanera 1929

Daou vale keltiek 1930

Oberoù sonerezh kambr

Sonioù an Dous, Canevon y briodferch, Kanaouennoù an danvez pried evit gaolvioloñs ha piano 1911

Oberoù piano ha kanaouennoù

Marc'heg ar ged 1905

Valsenn 1906

Santadoù eus Breizh 1907

Damskeudennoù breizhek 1915

Er bed keltiek 1925

Oberoù mouezh ha relejiel

Viviana, drama lourennek

Kendoniañ pezhioù sonaozourien romantel

Klotadurioù kanaouennoù-pobl

Gallout a ra ar galon cheñch, opera-comique 1908

Gwerzioù ha Sonioù Breizh Izel 1913

Kanennoù-pobl a Vro Wened 1930

Liammoù

Duhamel, Maurice (Resonances Bretagne)

Duhamel, Maurice (Wikipedia galleg)

Pladennoù

--

Levrioù

--

Embann a ra Timpani sonennoù evit lez-seniñ Jean Cras
20/04/2010 [lire la suite]

Sonadeg sonaozourien Breizh e Gwidel d'an 22 a viz Genver 2010
04/11/2009 [lenn]

2 bladenn nevez da zizoleiñ
04/11/2009 [lenn]

Mare 2009-2010 laz-seniñ Breizh ha laz-seniñ Naoned en-linenn
24/06/2009

À Paraître Jean Cras oeuvres de chambre pour violoncelle
07/08/2008 [lenn]

Conférence-concert sur le compositeur Jean Cras
19/05/2008 [lenn]

L'émission "Chantons sous la couette" sur France Musique consacre deux volets à la Bretagne
01/03/2008 [lenn]

[An holl keleier amañ]