Louis Vuillemin  

Deiziad ha lec'h ganedigezh:
19/12/1879 e Naoned
Breizh (Liger-Atlantel)
Deiziad ha lec'h marv:
02/04/1929 e Pariz
Bro-C'hall

E vuhez

Ganet eo bet Louis Vuillemin e Naoned d'an 19 a viz Kerzu 1879. N'eo ket anavezet kaer e anv. Ur mab-bihan eo da grouer stal-labour piano Didion. Heuliañ a ra kentelioù e Skol-sonerezh Pariz eus 1899 da 1904. Lakaat a ra sonerezh war ur bern barzhonegoù savet gant skrivagnerien eus e vare (Lecomte de Lisle, Fauchois…). Penn-klaviaz C'hoariva an Arzoù e oa. Ret eo dezhañ mont d'ober brezel e-pad Brezel ar Bed kentañ. Ur barner sonerezh ampart e oa hag anavezout a rae mat bed sonerezh e vare. Evel Paol ar Flemm e tenne spled eus ar radio evit skignañ oberennoù sonerezh gall penn-kentañ ar c'hantved. Plijout a rae dezhañ kalz sonerezh Debussy pe Ravel da skouer. Mont a ra Louis Vuillemin d'an anaon e Pariz d'an 2 a viz Ebrel 1929.

Maxime Maufra, Vue du port de Pont-Aven, 1890, Musée des Beaux-Arts de Quimper

Stil e sonerezh

Graet e vez sonerezh plijadurezhek eus e vuzik, ar pezh a drec'h gouenn gant sammadoù klaviaz "stambouc'hus" dibenn an XIXvet kantved. Ur c'herzennour ampart a oa anezhañ ha plijout a rae ar lazioù-seniñ bihan kenañdezhañ . Breizh a zo awen evitañ evel evit meur a sonaozour all eus ar vro. "En Kerneo", unan eus e oberennoù bras, a zo ur skouer espar eus an dra-se. Mesket e vez ar stummoù gant harp ur sonerezh soutil. Klevet a reer ar binioù kozh ha bras e-mesk binvioù klaseloc'h a-galz, ar c'hoadelloù dreist pep tra. Ober a ra Louis Vuillemin evel m'en doa graet Gi Roparzh evit dañsoù "Pesketaer an Island", da lavaret eo ober gant dastalmoù triel evit degas soñj eus Breizh en un doare soutil. Unan eus saverien Kevredigezh Sonaozourien Breizh e 1912 e oa koulz ha Maurice Duhamel, Paul Ladmirault ha Gi Roparzh.

Oberoù pennañ

Oberoù sonerezh siñfoniek hag operaoù

Dañs Sylla, heuliad evit klaviaz 1913

Pevar dañs 1924

Dibunadeg an atleted 1924

Aobadenn 1925

E Kernev 1925

Gourfennadenn 1928

Ar besketaerien o riboulat 1931

Oberoù sonerezh kambr

Daou pezh evit gaolvioloñs 1900

Evit diverrañ! 1908

Teir gwrac'henn aes 1908

E Kernev 1922

Oberoù piano ha kanaouennoù

Nozioù an Arvorig 1913-1918

Peder valsenn skañv 1921

Dañs-mêsaer 1922

Tri rakkerz 1948

Oberoù mouezh ha relejiel

Tenergan 1898

Kimiad dit bugulez 1900

Rondel war ur sonourez fleüt 1904

Kanaouenn faezh evit mouezh ha laz-seniñ 1904

Huñvreoù 1909

Ar re vihanik evit mouezh ha laz-seniñ 1909

An hent 1910

Peuznoz 1912

E-pad ar c'hortozadenn 1912

Rondeloù melkonius 1913

Liammoù

Vuillemin, Louis (Resonances Bretagne)

Pladennoù

--

Levrioù

--

Embann a ra Timpani sonennoù evit lez-seniñ Jean Cras
20/04/2010 [lire la suite]

Sonadeg sonaozourien Breizh e Gwidel d'an 22 a viz Genver 2010
04/11/2009 [lenn]

2 bladenn nevez da zizoleiñ
04/11/2009 [lenn]

Mare 2009-2010 laz-seniñ Breizh ha laz-seniñ Naoned en-linenn
24/06/2009

À Paraître Jean Cras oeuvres de chambre pour violoncelle
07/08/2008 [lenn]

Conférence-concert sur le compositeur Jean Cras
19/05/2008 [lenn]

L'émission "Chantons sous la couette" sur France Musique consacre deux volets à la Bretagne
01/03/2008 [lenn]

[An holl keleier amañ]