Paul Le Flem Paol ar Flemm

Deiziad ha lec'h ganedigezh:
18/03/1881 e Radon
Bro-C'hall
Deiziad ha lec'h marv:
31/07/1984 e Landreger
Breizh (Aodoù-an-Arvor)

E vuhez

Ganet eo bet Paol ar Flemm d’an 18 a viz Meurzh 1991 e Radon (Normandi). Emzivad eo abred, ha mont a ra da vevañ en e familh a-berzh-tad e Lezardrev (Treger), en un endro vrezhonegerien. Gouestlet e oa da vont da ofiser war vor, ha mont a ra da Skol-verdeiñ Brest e 1895. Ret eo dezhañ cheñch pal d’e vuhez avat, dre m'eo gwall wan e weled. Deskiñ a ra ar sonerezh e Brest, ha divizout a ra ober e vicher eus se. Kentelioù a ya da heuliañ e Moskov, deskiñ a ra rusianeg hag ober a ra anaoudegezh gant bed sonerezh ar vro-hont. Mont a ra er Schola Cantorum ha neuze heuliañ kentelioù Vincent d'Indy hag Albert Roussel. D’e dro e ra kentelioù eno hag Erik Satie a vo skoliad dezhañ. Penn-kor Kanerien Saint-Gervais eo da gentañ, a-raok bezañ ar rener betek 1939. Klask a ra "divuriañ" ar sonerezh. Evit-se e kas da benn ur bern abadennoù radio. Etre 1906 ha 1960 e vo barner sonerezh ivez. Adalek an oad a 15 vloaz en em daol da sonaozañ. Ledan eo e dachenn, eus ar siñfoniennoù (peder en holl) betek ar sonatennoù, ha sonerezh-kambr ivez. Goude ar brezel-bed kentañ e ra muioc'h war-dro e obererezhioù all. Er bloavezhioù 1930 e sonaoz adarre a-zevri-bev. Aet eo da anaon d'an 31 a viz Gouhere 1984, e Landreger.

Évariste-Vital Luminais, La Fuite du roi Gradlon, 1884, Musée des Beaux-Arts de Quimper

Stil e sonerezh

Liesseurt-kenañ eo doareoù sonaozañ Paol ar Flemm. Bevet eo bet gantañ treuzfurmadurioù bras an XXvet kantved: eus ar sonerezh steudel d'an daouzeksonelezh. Chom a ra levezonet gant skol c'hall penn kentañ ar c'hantved-se avat, daoust ma klask ober gant an amdonegezh war ziwezh e vuhez. Met awenet eo gant Breizh dreist pep tra. Unan eus diazezerien Kevredigezh sonaozourien Breizh eo hag emezelañ a ra, war an diwezhat, ouzh bodad arzourien ar Seizh Breur a glask ezteuler doareoù arzel nevez awenet gant Breizh. Awenet eo ar Flemm gant ar c'han hengounel ha klotadañ a ra meur a gan (gwerzioù ha sonioù pobl Breizh). Sonaozañ a ra war barzhonegoù Max Jacob. An heverkañ eus an oberennoù-se eo "hudourez ar mer", ur vojenn lourennek e teir zaolenn. Hag evel Ladmirault e sav un oberenn diwar-benn Breselien.

Oberoù pennañ

Oberoù sonerezh siñfoniek hag operaoù

Seizh pezh bugelel

Siñfonienn bugulgan 1897

Orfe hag Euridis, barzhoneg siñfoniek 1899

Siñfonienn niv. 1 1906-1908

Mouezhioù an donvor 1910-11

Faltazienn evit piano ha laz-seniñ 1911

Dañsoù 1912

Evit ar re varv 1920

Kerkado, gourc'horoll en un arvest 1933

Follentez Lady Macbeth 1935

Liorzhour bras ar Frañs 1942

Adagio ha dañs-ront ar boudiged 1943

Ar gêriadenn, barzhoneg siñfoniek 1943

Majisianez ar mor 1952

En eñvor ar vreudeur Lumière 1955

Primaozad 1956

Siñfonienn niv. 2 1957

C'hoari gouelaniged 1957

Concertstück, evit bioloñs ha klaviaz 1964

Siñfonienn niv. 3 1967

Siñfonienn niv. 4 1971-1974

Rakkerzioù 1975

Oberoù sonerezh kambr

Concertstück, evit violoñs ha piano

Pavanenn an Dimezell, doare Loeiz XIV, evit 2 violoñs, arvoud, gaolvioloñs ha gourvioloñs 1899

Eurvezh pouez, pevarad-kerdin 1902

Pezh e la bihanañ evit pevarad-kerdin 1903

Kuzhioù-heol evit usvoud ha piano 1904

Sonatenn evit piano ha violoñs 1905

Pempad e mi leiañ, evit 2 violoñs, arvoud, gaolvioloñs ha piano 1909

Koroll blaz ar c'hozh warnañ evit violoñs, arvoud, gaolvioloñs ha telenn 1909

Pezh gorrek evit orglez 1909

Dañs blaz ar c'hozh warnañ evit telenn 1909

Heol loar dindan ar c'hoad evit telenn 1909

Heol loar dindan ar c'hoad, doare evit fleüt, violoñs, arvoud, gaolvioloñs ha telenn 1952

Oberoù piano ha kanaouennoù

Evit ar re varv evit daouad-piano (pevar dorn)

Ar re seizet

Ar gorriganed, valsenn vreizhek evit ar piano 1896

Hirnez 1896-99

Eponine ha Sabinius 1898-99

Pezh evit piano 1903

Dre an aodoù & dre al lanneier 1907

Kalvar kozh 1910

Kanaouenn ar balan 1910

Miz Ebrel 1910

Seizh pezh bugelel 1911

Dañsoù evit daouad-piano (pevar dorn) 1912

Maezadoù ar mor 1917

Maezadoù ar maezioù 1917

Siñfonienn gentañ evit daouad-piano (pevar dorn) 1928

Esmaeadenn 1938

Evit an dorn kleiz 1961

Oberoù mouezh ha relejiel

Div sonenn a Vreizh

Heol loar evit kan ha laz-seniñ

Skrilh an oaled evit kan ha laz-seniñ

Dishiliad evit kan ha laz-seniñ

Mouezh war ribl ar mor

Kuzhioù-heol evit kan ha laz-seniñ

Mandolinenn evit kan ha laz-seniñ

Requiem 1896

Orfe en ifern 1896-99

Kain, kanadenn 1902

Endymion ha Séléné 1902-03

Aucassin ha Nicolette 1908

Tu es Petrus 1909

Aodoù skrijus 1911

Peuznoz an Arvor 1914

Peuznoz an Arvor 1914

Peuznoz an Arvor 1914

Peuznoz an Arvor 1914

Aspedenn evit kan ha laz-seniñ 1919

Meulgan ar gwin 1925

Ar Vatezh vihan 1935

Pourbaez vihan 1935

Gouel an nevezamzer 1936-37

Eostig Sant-Maloù 1938-42

Frankizenn ar boudiged 1943

Majisianez ar mor 1947

Dionysos 1948

Dek kanaouenn-pobl eus Bro-Skos 1952

Nav c'hanaouenn eus Breizh 1954

Triwec'h kanaouenn-bobl eus Breizh 1955

Morvenn ar Gouezel 1963

An hini villiget, gwerz skrijus, evit soloerien, kor ha laz-seniñ 1966-68

Liammoù

Le Flem, Paul (Lec'hienn all)

Le Flem, Paul (Resonances Bretagne)

Le Flem, Paul (Wikipedia brezhoneg)

Le Flem, Paul (Wikipedia galleg)

Pladennoù

L'Oeuvre pour piano / Sonates pour piano et violon

Œuvres pour orchestre, Symphonie N° 4

Symphonie N° 1, Fantasie, La Magicienne de la Mer

Levrioù

--

Embann a ra Timpani sonennoù evit lez-seniñ Jean Cras
20/04/2010 [lire la suite]

Sonadeg sonaozourien Breizh e Gwidel d'an 22 a viz Genver 2010
04/11/2009 [lenn]

2 bladenn nevez da zizoleiñ
04/11/2009 [lenn]

Mare 2009-2010 laz-seniñ Breizh ha laz-seniñ Naoned en-linenn
24/06/2009

À Paraître Jean Cras oeuvres de chambre pour violoncelle
07/08/2008 [lenn]

Conférence-concert sur le compositeur Jean Cras
19/05/2008 [lenn]

L'émission "Chantons sous la couette" sur France Musique consacre deux volets à la Bretagne
01/03/2008 [lenn]

[An holl keleier amañ]